റിയാദ്: ഫലസ്തീൻ വിഷയത്തിൽ നിർണ്ണായക തീരുമാനവുമായി ഫ്രാൻസ്. സ്വതന്ത്ര ഫലസ്തീൻ രാജ്യത്തെ അംഗീകരിക്കുന്നതായി പ്രസിഡൻ്റ് ഇമ്മാനുവൽ മാക്രോൺ പ്രഖ്യാപിച്ചു. ഈ തീരുമാനത്തെ സ്വാഗതം ചെയ്യുന്നതായി സൗദി അറേബ്യയുടെ വിദേശകാര്യ മന്ത്രാലയം അറിയിച്ചു.
ഫലസ്തീൻ ജനതയുടെ സ്വയം നിർണ്ണയാവകാശത്തിനായുള്ള അന്താരാഷ്ട്ര സമൂഹത്തിൻ്റെ ഉടമ്പടിയെയും, കിഴക്കൻ ജറുസലേം തലസ്ഥാനമാക്കി 1967-ലെ അതിർത്തികളിൽ ഒരു സ്വതന്ത്ര രാഷ്ട്രം സ്ഥാപിക്കുന്നതിനെയും സ്ഥിരീകരിക്കുന്ന ചരിത്രപരമായ തീരുമാനമാണിതെന്ന് സൗദി അറേബ്യ പ്രശംസിച്ചു. അന്താരാഷ്ട്ര പ്രമേയങ്ങൾ നടപ്പിലാക്കുന്നതിനും നിയമങ്ങൾ പാലിക്കുന്നത് വർദ്ധിപ്പിക്കുന്നതിനും സഹായിക്കുന്ന നടപടികൾ രാജ്യങ്ങൾ തുടർന്നും സ്വീകരിക്കേണ്ടതിൻ്റെ പ്രാധാന്യം സൗദി ഊന്നിപ്പറഞ്ഞു.
ഫലസ്തീനെ ഇതുവരെ അംഗീകരിക്കാത്ത മറ്റ് രാജ്യങ്ങളോടും സമാധാനത്തിനും ഫലസ്തീൻ ജനതയുടെ അവകാശങ്ങൾക്കും പിന്തുണ നൽകുന്നതിനായി സമാനമായ അനുകൂല നടപടികളും ഗൗരവമായ നിലപാടുകളും സ്വീകരിക്കാൻ സൗദി വിദേശകാര്യ മന്ത്രാലയം ആഹ്വാനം ചെയ്തു.
About the Author
